Prezıdent: Úkimetti tutas otstavkaǵa jiberý týraly maǵan keńes berildi – bas tarttym

NUR-SULTAN. QazAqparat – Úkimettiń keńeıtilgen otyrysynda Memleket basshysy Qasym-Jomart Toqaev saıası upaı jınaýdy jón kórmeıtinin málim etti, dep habarlaıdy QazAqparat tilshisi.

«Men ashyǵyn aıtaıyn: Úkimettiń keńeıtilgen osy otyrysyna daıyndyq barysynda maǵan keıbir aımaqtaǵy jáne vedomstvolardaǵy birinshi basshylardy jumystan bosatýdy, tipti búkil Úkimetti otstavkaǵa jiberý týraly keńes berilgen bolatyn. «Qoǵam bul áreketińizdi durys qabyldaıdy, upaı jınap alasyz» degen oı aıtyldy. Biraq maǵan qazir upaı degenniń keregi joq. Men jaýapty adamdardy tyńdaýǵa daıynmyn. Biraq halyqtyń aldynda oıyn uıymdastyrýdy jón dep eseptemeımin. Qazir ondaı jasta da, jaǵdaıda da emespin», - dedi Prezıdent Úkimettiń keńeıtilgen otyrysynda.

Prezıdent óz sózinde keıbir ákimder men mınıstrler eskertý alǵanyn aıtty.

«Jalpy mundaı jazaǵa oblys bolsyn, mınıstrlik bolsyn basqa basshylar da laıyqty bolýy múmkin», - dedi Memleket basshysy.