Prezıdent Úkimetten qyzmettik avtokólikterdi shetelden alýdy doǵarýdy talap etti
Osy oraıda Memleket basshysy UQK, Qorǵanys mınıstrligi jáne TJM-nen basqa birde-bir memlekettik organ otandyq avtotehnıkany alýǵa kelisimshart jasamaǵanyn, ıaǵnı tıisti tapsyrmaǵa qaramastan olar shetelde óndirilgen kólikterdi satyp alýdy jalǵastyryp otyrǵandyǵyn synǵa aldy.
Otandyq taýar óndirýshilerge naqty qoldaýdy qamtamasyz etý kerek ekenin jáne otandyq kólikterdi alýǵa tapsyrma bergendigin eskerip ótken Prezıdent, «búgingi kórmede qalaǵan kólikti tańdap alýǵa bolady. Alaıda, UQK, Qorǵanys mınıstrligi men TJM-nen basqalary kelisimshart jasaǵan joq jáne tehnıkany shetelden alýdy jalǵastyryp jatyr. Bul bassyzdyq qashan toqtaıdy Kárim Qajymqanuly?! Osyny qashanǵa deıin jyr etemiz?», - dep Úkimet basshysyna qaratyp aıtty Elbasy.
Bul turǵyda Memleket basshysy shetelden alynatyn kólikter qymbatqa túsetinin eskertti. «Qazaqstan qandaı avtokólikterdi shyǵaryp jatqandyǵyn shyǵyp qarańyzdar (Astanadaǵy kórmede). Bizde kólikter shyǵarylyp jatsa, keıbiri «Mersedesterdi» mingisi keledi eken. Olaı bolsa óz qaltalarynan satyp alsyn. Dereý doǵartý kerek», - dep talap etti Prezıdent.
