Prezıdent Úkimetke ýrannyń ornyna torııdi paıdalaný múmkindigin zerdeleýdi tapsyrdy
ASTANA. QazAqparat – Memleket basshysy Qasym-Jomart Toqaev Pýrdý (AQSh) ýnıversıteti ıAdrolyq energetıka mektebiniń professory Zınetola Eńsepovtiń energetıkada torııdi paıdalaný múmkindigine qatysty aqparatyna qyzyǵýshylyq tanytty, dep habarlaıdy QazAqparat tilshisi.
«Qazirgi ýaqytta elektr energııasynyń 78 paıyzdan astamy qazba otyndy jaǵý arqyly óndiriledi. Endi 20 jyldan keıin jaǵdaı kúrt ózgerýi tıis. Óıtkeni, torııge negizdelgen ıadrolyq energetıka qazba otyndy yǵystyrýy tıis. Búginde álemde ýranmen jumys isteıtin 439 jáne salynyp jatqan 180 reaktor, sonymen qatar torıımen jumys isteıtin reaktor bar. Máselen, 2021 jyly Qytaı birinshi torıı reaktorynyń synaqqa daıyn ekendigin málimdegen bolatyn. Tabıǵatta ýranǵa qaraǵanda torıı 3-4 ese kóp», - dedi ǵalym Memleket basshysynyń qatysýymen ótken Ǵylym jáne tehnologııalar jónindegi ulttyq keńestiń otyrysynda.
Onyń atap ótýinshe, Qytaı, Úndistan, Kanada torıı atom reaktorlaryn qoldaný arqyly ózderin myń jylǵa aldyn ala energııamen qamtamasyz ete alady. Úndistan torııge tolyǵymen kóshýdi josparlap otyr. Óıtkeni, ondaǵy torıı qory álemdegi barlyq eldegi torıı qorynan kóp. Úndistan men Qytaıdan bólek Reseı, Japonııa, AQSh, Kanada jáne Qazaqstan torııge baı el sanalady.
«Menińshe, bul máseleni zerdeleý qajet sııaqty. Osy jerde ǵalymdarmen birge Premer-Mınıstr, Energetıka mınıstri otyr. Ýran qory boıynsha biz álemde birinshi orynda ekenimiz túsinikti. Bul máseleni de zerdeleý qajet. Múmkin keleshegi óte zor baǵyt bolar», - dep atap ótti Prezıdent Qasym-Jomart Toqaev.
Osy oraıda Zınetola Eńsepov bul máseleni burynǵy Energetıka mınıstri Vladımr Shkolnıkpen talqylaǵanyn, biraq ol ony shyndap qaramaǵanyn atap ótti. Degenmen, Argonn ýnıversıtetinde modýldik torıı raktorlaryn jasaý salasynda baıypty jumys júrgizilip jatyr.
