Prezıdent Úkimetke Semeıdi áleýmettik-ekonomıkalyq turǵydan keshendi damytýdy tapsyrdy
Maqalada Prezıdent Abaıdyń tulǵasy men murasyn ulyqtaý shetelderde de jalǵasatynyn, Reseıdegi, Frantsııadaǵy, Ulybrıtanııadaǵy jáne basqa da memleketterdegi Qazaqstannyń elshilikteri janynan «Abaı ortalyqtaryn» qurý josparlanǵanyn aıtady.
«Shyǵys Qazaqstan oblysynyń Aqshoqy eldi mekenindegi Qunanbaı Óskenbaıuly áýletiniń qorymy abattandyrylady. Sonymen qatar, Abaı tulǵasyn joǵary dárejede dáripteý úshin Úkimet mynadaı sharalardy qolǵa alýy kerek dep esepteımin. Semeı óńiri – qazaq tarıhyndaǵy kıeli ólkeniń biri. Sondyqtan, eldiń rýhanı damýynda erekshe orny bar Semeı qalasyn tarıhı ortalyq retinde belgilegen jón. Uly Abaı men Shákárimniń, Muhtar Áýezovtiń kindik qany tamǵan óńir aıryqsha qurmetke laıyq. Osyǵan oraı, shahardy áleýmettik-ekonomıkalyq turǵydan keshendi túrde damytyp, ondaǵy tarıhı-mádenı nysandardy jańa talapqa saı jańǵyrtamyz. Úkimetke bul máselege baılanysty tıisti sharalar qabyldaýdy tapsyramyn», - dep jazady Memleket basshysy.
Sonymen qatar, Qasym-Jomart Toqaev mereıtoı jyly aıasynda Abaıdyń qasterli mekeni – áıgili Jıdebaıdy abattandyryp, uly aqynnyń rýhyna taǵzym etýge keletin jurtshylyqqa qolaıly jaǵdaı jasaý qajettigin de atap ótedi.
«Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıine erekshe kóńil bólip, ǵylymı-tanymdyq jumystarmen aınalysatyn ortalyqqa aınaldyrý kerek. Jıdebaıda mýzeıge arnaıy laıyqtalǵan «Abaı murasy» atty jańa ǵımarat salý qajet. 1918 jyly Semeı qalasynda Muhtar Áýezov pen Júsipbek Aımaýytov negizin qalaǵan, 1992 jyldan beri qaıta shyǵa bastaǵan «Abaı» jýrnalyna memleket tarapynan qoldaý kórsetý kerek. Osy jáne basqa da aýqymdy sharalar Uly Abaıdyń rýhyna taǵzym etip, onyń mol murasyn dáripteý úshin ótkizilmek. Endeshe, búkil Qazaqstan halqyn osy ıgi bastamaǵa belsene atsalysýǵa shaqyramyn», - delingen maqalada.
«Abaı jáne HHІ ǵasyrdaǵy Qazaqstan» atty maqala «Egemen Qazaqstan» basylymynyń búgingi sanynda jarııalandy.
Foto: yvision.kz
