Prezıdent Úkimetke salyq júıesin reformalaýmen tyńǵylyqty aınalysýdy tapsyrdy

NUR-SULTAN. QazAqparat – Salyq júıesinde qarama-qaıshylyqtar bolmaýy tıis. Bul týraly Sheteldik ınvestorlar keńesiniń 33-shi jalpy otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Búkil aldyńǵy qatarly álem kómirtektik beıtaraptyqqa umtylady. Bul durys ta. Doıche bank, General Electric, Cameco ERG keńestiń ózge de músheleriniń jasyl qaldyqsyz tehnologııalardy engizý jónindegi usynystary meniń olardy keńinen qoldaný tapsyrmalarymen astasyp jatyr», - dedi QR Prezıdenti.

Memleket basshysy keńes múshesiniń Qazaqstanda salyq júıesin odan ary reformalaýǵa qatysty usynysyna nazar aýdarǵandyǵyn atap ótti.

«Olar sóılep jatqan kezde men birden Úkimetke bul máselemen tyńǵylyqty aınalysýǵa tapsyrma berdim. Bul jerde qarama-qaıshylyqtar bolmaýy tıis. Biz salyq salýdyń tutas júıesin qalyptastyrýǵa tıispiz jáne osy turǵyda álemdik tendentsııalar men aldyńǵy qatarly elderdiń tájirıbelerin jiti qadalaǵap otyrýymyz qajet», - dedi Qasym-Jomart Toqaev.