Prezıdent Úkimetke halyqtyń kókeıinde júrgen máselelerdi sheshýge tapsyrma berdi - Berik Ábdiǵalıuly
«Memleket basshysy Májilistiń jalpy otyrysyndaǵy sózinde úlken saıası mindetterdi qoıdy. Ol - memlekettik tabystyń ádiletti bólinýi. Osy joly Prezıdent jańadan bekitilgen Úkimetke bul baǵytta jumysty jalǵastyrýǵa, halyqtyń kókeıinde júrgen máselelerdi sheshýge tapsyrma berdi. Bul óz kezeginde Úkimetke berilgen úlken senim jáne múmkindik», - dedi B. Ábdiǵalıuly.
Osy oraıda depýtat bul baǵyttaǵy jumystar toqtap qalmaýy kerek ekenin, ony búkil qoǵam bolyp qoldaý mańyzdy bolyp otyrǵanyn atap ótti.
«Memleket basshysy ózekti máselelerdi kótergenin bilemiz. «Samuryq-Qazyna» qoryna qatysty biraz suraqtar boldy. Budan bólek, memlekettik kompanııalarda qanshama tıimsiz jumsalǵan qarajat bar. Munyń barlyǵy Prezıdenttiń aıtqan eskertýimen shektelmeı, anyqtalǵan derekterdi qoǵamnyń talqylaýyna shyǵarý kerek. Sondyqtan bul baǵyttaǵy jumystarǵa jumylyp, Memleket basshysynyń bastamalaryn jalǵastyryp, onyń barlyǵynyń júzege asýyna yqpal etýimiz mańyzdy. ıAǵnı kásipkerler men el halqy tıisti úlesin qosqany abzal. Bastamalarǵa qarsylyq tanytatyndar shyǵatyny belgili, óıtkeni tosqaýyl jasap júrgen keıbiri áli de qyzmette júr. Osy oraıda qoǵamnyń qoldaýy kerek bolyp tur», - dedi ol.
«Prezıdent Májilistiń jalpy otyrysynda saıası reformalar jaıynda aıtty. Endi osy qalyptasqan ahýalǵa baılanysty taǵy da biraz usynystarymyzdy daıyndaımyz. Meniń oıymsha, Ulttyq qoǵamdyq senim keńesiniń otyrysynda alǵashqy usynystarymyzdy beremiz. Jalpy, qoǵamdyq baqylaýdy kúsheıtý úshin arnaıy saıası reformalardy ilgeriletý jumysyn jalǵastyramyz», - dedi B. Ábdiǵalıuly.
Aıta keteıik, Memleket basshysy Qasym-Jomart Toqaev Qazaqstan Respýblıkasynyń Parlamenti Májilisiniń otyrysynda birqatar bastamalardy kóterdi.
Prezıdent«Samuryq-Qazyna» qory men ondaǵy sheteldik mamandardy synady.
