Prezıdent Úkimetke «Ǵylymdy kommertsııalandyrý týraly» zań jobasyn shuǵyl ázirleýdi júktedi
ASTANA. QazAqparat - «Ǵylymdy kommertsııalandyrý týraly» zań jobasyn ázirleýdi shuǵyl bastaý kerek. Bul týraly búgin Aqordada Úkimettiń keńeıtilgen otyrysynda Elbasy Nursultan Nazarbaev osylaı málim etti.
«Óndiristerde ınnovatsııalardy engizýge erekshe mán berilýi tıis. Úkimetke «Ǵylymdy kommertsııalandyrý týraly» zań jobasyn ázirleýdi shuǵyl bastaýdy tapsyramyn»,-dedi Prezıdent.
Memleket basshysy Nazarbaev Ýnıversıtetindegi zerthanalarda ǵylymı jumystar júrip jatqandyǵyn, osy Ýnıversıtettiń sheteldik ǵylymı jýrnaldardaǵy jarııalymdary ózge oqý oryndarynan asyp túskenin atap ótti.
«Budan ary qaraı bul zerttemeler óndiriske barýy tıis. Qazir ýnıversıtet janynan óndiristik bólim qurylýda. Al osydan keıin ony kommertsııaǵa qalaı ótkizemiz?»,-dep toqtaldy Elbasy.
