Prezıdent Úkimetke agroónerkásip keshenin damytýǵa aǵymdaǵy jyldyń ózinde 97 mlrd teńge bólýdi tapsyrdy

«Bul qarajatqa joǵaryda aıtqanymyzdaı sýmen qamtamasyz etý, sýbsıdııalaý sharalary da qamtylsyn. Osyny jaqsylap paıdalanyp, uqsatyp jumsasańdar óńirlerde kóp sharalar jasaýǵa da bolatyn edi», dedi Elbasy.

Budan bólek, N. Nazarbaev veterınarlyq máseleni sheshýge de nazar aýdartty. Prezıdent bıylǵy jyly túıneme birqatar óńirlerdi alańdatqanyn atap ótti.

«Adamdar da qaıtys bolyp jatyr. Biz árbir jyl saıyn qomaqty qarajat bólip, biraq ol indetten tolyq qutylmaı ómir súrgenshe, ony túbirimen ózgertýge tıispiz. Veterınarlyq máseleni jaqsartpaı ónimdi shetelge shyǵaryp satý esh múmkin emes. Sondyqtan da, ákimder veterınarlyq qaýipsizdik úshin tikeleı jaýapty bolady. Negizinen bul máseleniń ákimder quzyryna berilgenine de birneshe jyl boldy», - dedi Memleket basshysy.