Prezıdent Úkimetke 2015 jyldyń kókteminde Arbıtraj týraly biryńǵaı zańdy engizýdi júktedi
ASTANA. QazAqparat - Búgin 5-shi shaqyrylǵan QR Parlamentiniń 4-shi sessııasynyń ashylýynda Elbasy Nursultan Nazarbaev bıylǵy jyldyń sońyna deıin Úkimetke Arbıtraj týraly biryńǵaı zańdy Parlamentke engizýdi tapsyrdy.
«Tıimdi ınvestıtsııalyq qyzmet úshin Arbıtrajdy tolyq damytý qajet. Búginde ınvestorlar, ásirese sheteldikter týyndaǵan daý-damaıdy sheshý turǵysynda sheteldik arbıtrajdyq ınstantsııalarǵa barýdy qalaıtyndyǵy qupııa emes. Bul óz kezeginde bizdiń sot júıesi men onyń sheshimine senimdiliktiń álsizdigin baıqatady. Osy oraıda jalpyǵa ortaq halyqaralyq standarttar boıynsha jumys isteıtin otandyq Arbıtrajdy damytý boıynsha sharalar keshenin qabyldaý múmkindigin qarastyrý kerek»,-dedi Prezıdent. Osyǵan baılanysty, Elbasy Úkimetke 2015 jyldyń 1 sáýirine deıin Arbıtraj týraly biryńǵaı zańdy ázirlep, Parlamentke engizýdi tapsyrdy.
