Prezıdent Úkimetke 2 aıdyń ishinde halyqtyń tabysyn arttyrý baǵdarlamasyn daıyndaýdy tapsyrdy
«Jumysqa ornalastyrýdy qajet etetin azamattardyń naqty sanyn anyqtaý kerek. Úkimetke «Atameken» palatasymen birge eki aıdyń ishinde halyqtyń tabysyn arttyrý jónindegi baǵdarlama ázirleýdi tasyramyn. Úkimetke Áleýmettik kodekstiń ýaqytynda qabyldanýyn qamtamasyz etý qajet», - dedi Prezıdent.
Onyń aıtýyna qaraǵanda, memlekettiń áleýmettik saıasaty osy qujattyń aıasynda pandemııa táýekelderi men qordalanǵan problemalardy eskere otyryp beıimdelýi kerek.
«Áleýmettik kodeks jańa qoǵamdyq kelisimniń negizgi elementine aınalýǵa tıis», - dedi Memleket basyshsy Parlament Májilisiniń otyrysynda.
Eske salsaq, QR Prezıdenti Qasym-Jomart Toqaev Parlament Májilisiniń otyrysynda QR Premer-Mınıstri laýazymyna Álıhan Smaıylovtyń kandıdatýrasyn usynyp, ony Májilis qabyldady.
Prezıdent jýyqta Qazaqstandy saıası transformatsııalaý jónindegi jańa usynystaryn jarııalaıtynyn aıtqan .
Sondaı-aq, ol 7 qańtarda halyqqa jasaǵan úndeýinde Úkimetke búgingi Májilis otyrysynda natqy tapsyrmalar beretinin aıtqan edi.
«Úkimet meniń 11 qańtarda Májiliste aıtatyn sózime qatysty naqty sheshimder qabyldaýy kerek», - degen Memleket basshysy.
