Prezıdent Úkimet pen olıgarhtarǵa jastardy qoldaıtyn qor qurýdy tapsyrdy
«Damyǵan elderde jastardyń óz ıdeıalaryn júzege asyrýǵa kómektesetin arnaıy qorlar bar. Olar ortalyq jáne jergilikti atqarýshy organdar, ýnıversıtet jáne jeke qurylymdar tarapynan qurylady. Biz de úkimetpen birlesip, osyndaı qor qurýymyz kerek. Úkimetke iri bıznes kompanııalary jáne olıgarhtarmen birlesip, Jastardyń startaptaryn qoldaý qoryn qurýdy tapsyramyn», - dedi Prezıdent Astanada Jastar jylynyń ashylý saltanatynda.
Sonymen birge, Memleket basshysy startaptardy júzege asyrýǵa jastardyń tikeleı qatysýyn qadaǵalaýdy tapsyrdy.
Aıta keteıik, Astanada Jastar jylynyń ashylýynda Nursultan Nazarbaev «Jas kásipker» baǵdarlamasyn ázirleýdi jáne jas kásipkerlerge bólinetin grant qarajatyn eki esege arttyrýdy tapsyrdy.
Jastar jylynyń ashylý saltanatyna Úkimet músheleri, QR Parlamenti depýtattary, jergilikti atqarýshy organ basshylary, QR Prezıdenti janyndaǵy Jastar saıasaty keńesiniń músheleri, «100 jańa esim» baıqaýynyń jeńimpazdary, «Bolashaq» baǵdarlamasynyń túlekteri, jas ǵalymdar qatysýda. Sonymen qatar bul jıynǵa shyǵarmashylyq, stýdenttik jáne jumysshy jastar ókilderi, jas sportshylar, daryndy balalar, zamanaýı medıa salasynyń ókilderi, balalar úıiniń tárbıelenýshileri men túlekteri, jas áskerı qyzmetshiler keldi.
Eske sala ketsek, QR Prezıdenti Nursultan Nazarbaev Qazaqstan halqyna bıylǵy Joldaýynda 2019 jyldy Jastar jyly dep jarııalaýdy usynǵan bolatyn.
Prezıdent óz sózinde jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerektigin aıtty. Al, arada bir aıdan astam ýaqyt ótkende Elbasy Jarlyǵymen 2019 jyl Jastar jyly dep jarııalandy.
