Prezıdent Úkimet pen memorgandar arasyndaǵy qyzmetterdi qaıta bólýdi tapsyrdy
«Prezıdent Ákimshiligi júrgizgen saraptama Úkimet fýnktsııasynyń jartysyna jýyǵy ókiletti memlekettik organdar ázirlegen salalyq sheshimderdi formaldy ujymdyq maquldaýǵa saıady. Sonymen qatar Úkimettiń qyzmeti basqa – ol úılestirýi jáne basshylyq jasaý tıis. Jańa ákimshilik reforma aıasynda norma shyǵarmashylyq tájirıbeni jańǵyrtý jáne memlekettik basqarý deńgeıleri arasyndaǵy qyzmetti ortalyqsyzdandyrýdy júzege asyrý qajet. Osyǵan oraı Úkimetke memlekettik organdardyń basty mindetteri men ókilettikterin ǵana zań deńgeıinde saqtaı otyryp, zańnamalyq aktilerge júıeli tekserý júrgizýdi tapsyramyn», - dedi Memleket basshysy.
Prezıdent salalyq saıasat ázirleý, olardy júzege asyrý jáne baqylaý Úkimet deńgeıinen alynyp, ortalyq memlekettik organdarǵa berilýi tıistigin basa aıtty.
«Ortalyq pen óńirler arasyndaǵy qyzmetterdi qaıta bólýge qatysty dál osyndaı jumys 2023 jyldyń ishinde júrgizilýi qajet. Buǵan qosa, ortalyq sondaı-aq jergilikti deńgeıdegi birinshi basshylardyń úlken jedel derbestigin qamtamasyz ete otyryp, bıýdjettendirý ádisterin qaıta qaraý kerek», - dedi Qasym-Jomart Toqaev.
