Prezıdent: Úkimet azamattar úıden shyqpaı-aq memkómek alatyn tetik ázirleýi kerek
NUR-SULTAN. QazAqparat - Úkimet shuǵyl arada azamattar úıden shyqpaı-aq memlekettik kómek alatyn tetik ázirleý qajet. Bul týraly Tótenshe jaǵdaı rejımin qamtamasyz etý jónindegi memlekettik komıssııanyń otyrysynda Memleket basshysy Qasym-Jomart Toqaev aıtty, dep habarlaıdy QazAqparat.
«Tabyssyz qalǵan azamattarǵa qoldaý kórsetý boıynsha aýqymdy jumys júrgizilip jatyr. Olarǵa tótenshe jaǵdaı kezeńinde 42 500 teńge mólsherinde áleýmettik tólem taǵaıyndalǵan. Áleýmettik jardemaqy alýǵa qajirdiń ózinde 1,7 mln adam, olardyń basym bóligi elektrondy túrde júgindi. Buǵan qosa, áleýmettik kómek berý tetikteriniń daıyndyǵyna kemshilik bar ekendigin aıtý kerek, Vedomstvonyń jedel sheshimderi men jeke aralasqannan keıin ǵana qabyldana bastady. Ortalyq jáne jergilikti memlekettik organdardyń tarapynan da túsindirý jumystary tıimsizdigin kórsetti», - dedi Memleket basshysy.
QR Prezıdentiniń atap ótýinshe, dál osy jaıt azamattardyń arasynda túsinbeýshilikke, ártúrli qabyldaýǵa, jergilikti jerlerdegi tártipsizdikke sebep boldy.
«Adamdar ózderin táýekelge ushyrata otyryp, esepshot ashý nemese biryńǵaı áleýmettik tólem tóleý úshin bankke kezekke turdy. Sondyqtan Úkimetke jedel túrde árbir azamat úıden shyqpaı-aq memleketten kómek ala alatyn qadamdyq tetikterdi ázirleýi jáne ony barlyq BAQ pen áleýmettik jelide taratýy tıis», - dedi Qasym-Jomart Toqaev.
