Prezıdent Túrkistan oblysyndaǵy bý-gaz qondyrǵysynyń qurylysyn tezdetýdi tapsyrdy
TÚRKІSTAN. KAZINFORM – Bul týraly Memleket basshysy Qasym-Jomart Toqaev Túrkistan oblysynyń jurtshylyǵymen kezdesýde aıtty, dep habarlaıdy Aqordanyń baspasóz qyzmeti habarlady.
Qasym-Jomart Toqaev oblysta salynyp jatqan bý-gaz qondyrǵysynyń qurylysyn tezdetýdi tapsyrdy.
— 70 jyldan beri jóndeý jumystary jasalmaǵan Kentaý jylý energııa ortalyǵyn jańǵyrtýǵa qomaqty qarjy bólindi.
Sondaı-aq taǵy bir mańyzdy másele. Oblysta salynyp jatqan bý-gaz qondyrǵysynyń qurylysyn tezdetý kerek. Jumys sozylyp ketti. Úkimetke jáne «Samuryq-Qazynaǵa» osy máseleni qatań baqylaýǵa alýdy tapsyramyn.
Jalpy, aımaqta túrli óndiris kásiporyndary ashylyp, júzdegen adam birtindep jumyspen qamtylyp jatyr. Munyń bári de — el ishinde bolyp jatqan naqty jumystyń kórinisi.
Men árdaıym aıtyp júremin: aımaqtarymyz qýatty bolsa, memleket te myqty bolady. Bul bizdiń jetistikterimizdiń negizgi formýlasy dep aıtsaq, artyq bolmaıdy. Sondyqtan óńirlerdiń ekonomıkasyn nyǵaıtyp, halyqtyń ál-aýqatyn jaqsartý memlekettiń basty nazarynda turatyn strategııalyq maqsat bolyp qala bermek, — dedi Memleket basshysy.
Aıta ketelik Memleket basshysy Túrkistan oblysyna jumys saparymen barǵan edi.
