Prezıdent «Túrkistan qalasynyń erekshe mártebesi týraly» zańǵa qol qoıdy
ASTANA. KAZINFORM — Memleket basshysy «Túrkistan qalasynyń erekshe mártebesi týraly» Qazaqstan Respýblıkasynyń zańyna qol qoıdy.
Zańda elimizdiń rýhanı, tarıhı-mádenı, týrıstik ortalyǵy jáne sáýlet murasy retindegi Túrkistan qalasynyń erekshe mártebesi bekitilgen.
Qujatta: tarıhı-mádenı murany saqtaý — Qoja Ahmet ıAsaýı kesenesi men basqa da eskertkishterdi qorǵaý; arheologııalyq jáne ǵylymı-restavratsııalyq jumystardy retteý; tarıhı-mádenı murany qaıta jańǵyrtý jáne ulttyq qolónerdi dáripteý; qorǵaý aımaǵynda bıiktigi men sáýleti úılespeıtin ǵımarattardy salmaý; arheologııalyq eskertkishterdiń rezervatyn qurý; múgedektigi bar adamdarǵa qoljetimdi ınfraqurylym jáne ınklıýzıvti týrızm qurý arqyly qalada jaıly orta qalyptastyrý; qalanyń biryńǵaı kelbetin — sáýlet ereksheligin saqtaý úshin dızaın kod engizý; tıimdi basqarý men baqylaý úshin ákimdik pen máslıhat ókilettigin keńeıtý; memleket tarapynan qolóner sheberlerin qoldaý men kólik tranzıtin retteý; týrızmdi damytý jáne turmys sapasyn arttyrýmen qatar qalanyń tarıhı ereksheligin saqtaý qarastyrylǵan.
Zańnyń mátini baspasózde jarııalanady.
Aıta ketelik Túrkistan qalasynyń erekshe mártebesi týraly zań jobasy daıyndalyp jatqany týraly jazǵan edik.