Prezıdent Túrikmenstannyń turaqty beıtaraptyǵyna 29 jyl tolýymen quttyqtady
ASTANA. KAZINFORM – Qasym-Jomart Toqaev Serdar Berdimuhamedovke Túrikmenstannyń turaqty beıtaraptyǵyna 29 jyl tolýyna oraı quttyqtaý joldady. Bul týraly Aqordanyń baspasóz qyzmeti habarlady.
Qazaqstan Prezıdenti jedelhatynda Túrikmenstannyń tabysty júrgizip otyrǵan beıtaraptyq saıasaty eldiń halyqaralyq arenadaǵy bedelin bıiktetip, zor qurmetke bólegenin atap ótti.
— Qazaqstan men Túrikmenstandy san ǵasyrdan tamyr tartatyn berik dostyq, tatý kórshilik jáne ózara qoldaý rýhyndaǵy qarym-qatynas baılanystyrady. Baýyrlas eki el arasyndaǵy strategııalyq seriktestik nyǵaıa túsip, qarqyndy damyp keledi. Biz muny joǵary baǵalaımyz, — delingen quttyqtaýda.
Memleket basshysy Túrikmenstan Prezıdentiniń jaýapty qyzmetine tabys, al baýyrlas túrikmen halqyna baq-bereke tiledi.
Osyǵan deıin Toqaev energetıkterdi marapattaý týraly Jarlyqqa qol qoıǵany habarlandy.