Prezıdent Túrki uıymynyń zamanaýı tehnoparkter ortalyǵyn qurýdy usyndy
NUR-SULTAN. QazAqparat – QR Prezıdenti Qasym-Jomart Toqaev Túrki uıymynyń zamanaýı tehnoparkter ortalyǵyn qurý máselesin zerdeleýge shaqyrdy, dep habarlaıdy QazAqparat tilshisi.
«Biz ınnovatsııalar men startaptardy damytýǵa qolaıly jaǵdaı jasaýymyz qajet. Bul – aqparattyq tehnologııa dáýiriniń basty talabynyń biri. Sizderdi Túrki uıymynyń zamanaýı tehnoparkter ortalyǵyn qurý máselesin zerdeleýge shaqyramyn», - dedi Qasym-Jomart Toqaev Túrki memleketteri uıymynyń sammıtinde.
Sonymen qatar Prezıdent kelesi jyly IT salasynda eńbek etip júrgen jastardyń arnaıy forýmyn ótkizýdi usyndy.
«Ony «Astana Hub» halyqaralyq IT-startaptar tehnoparkinde uıymdastyrýǵa bolady. Qazir onda 560-tan astam kompanııa jumys istep jatyr. Onyń 55-i – sheteldik kompanııa. Startaptar sońǵy 2,5 jylda 375 mıllıon dollardan astam paıda tapty. Sondaı-aq, 132 mıllıon dollarǵa jýyq ınvestıtsııa ákeldi. Jalpy, «Astana Hub» tehnoparkinde jeńildetilgen vızalyq rejım bar. Al, onda jumys isteıtin kompanııalar salyqtan bosatylady», - dedi Memleket basshysy.
Budan buryn habarlanǵandaı, «Túrkitildes memleketterdiń yntymaqtastyq keńesi» endi «Túrki memleketteri uıymy» dep ataldy.
