Prezıdent Túrki memleketteri uıymynyń Tsıfrlandyrý ortalyǵyn qurýdy usyndy

SAMARQAND. QazAqparat - Prezıdenttiń paıymynsha, túrki memleketteriniń ІT-salasyndaǵy qarym-qatynasyn jandandyrǵan jón. Bul týra Qasym-Jomart Toqaev Samarqandta ótip jatqan sammıt barysynda aıtty, dep habarlaıdy QazAqparat.

«Sońǵy kezde geosaıası ahýalǵa baılanysty memleketter bir-birinen tehnologııalyq turǵydan oqshaýlanyp jatyr. Túrki elderiniń IT-salasyna qatysty tyń tásilder ázirleýi aıryqsha mańyzdy. Bul bizdiń tsıfrlyq damýymyzǵa jol ashady.

Jýyrda Astanada «Digital Bridge» atty halyqaralyq is-shara ótti. Onda ІT-salasynda jumys isteıtin kreatıvti jastarymyz bas qosyp, bastamalary men ozyq ıdeıalaryn usyndy. Sondaı-aq, memleketterimizdiń IT-habtary arasyndaǵy ózara is-qımyl týraly memorandýmǵa qol qoıyldy», - dedi Memleket basshysy.

Ol osy rette, Astana hab halyqaralyq tehnoparki negizinde Túrki memleketteri uıymynyń Tsıfrlandyrý ortalyǵyn qurýdy usyndy.

»Bul qurylym saýda, kólik, sý resýrstary, aqparattyq qaýipsizdik jáne basqa da salalarǵa qajetti tsıfrlyq sheshimder ázirleýge múmkindik beredi.

Oǵan qol jetkizý úshin Túrki elderiniń Venchýrlyq qoryn qurǵan jón dep sanaımyn. Sol arqyly mańyzdy start-ap jobalarǵa ınvestıtsııa tartýǵa jol ashylady», - dedi Qasym-Jomart Kemeluly.

Foto: t.me/KZgovernment