18:22, 20 Mamyr 2025 | GMT +5
Prezıdent Túrki memleketteri uıymynyń beıresmı sammıtine qatysý úshin Býdapeshtke bardy
ASTANA. KAZINFORM – Prezıdent Qasym-Jomart Toqaev Túrki memleketteri uıymynyń beıresmı sammıtine qatysý úshin Býdapeshtke bardy. Bul týraly Aqorda málim etti.
— Memleket basshysy búgin Majarstan Premer-mınıstri Vıktor Orbanmen kelissóz júrgizedi, — delingen habarlamada.
Eske sala keteıik, buǵan deıin Aqorda 20-21 mamyr kúnderi Prezıdent Qasym-Jomart Toqaevtyń Majarstanǵa baratynyn málimdegenin jazǵan bolatynbyz.
Kári qurlyqtaǵy túrki tektes el – Majarstanda Túrki memleketteri uıymynyń beıresmı sammıtinde qandaı dúnıeler talqylanýy múmkin? Kazinform-nyń analıtıkalyq sholýshysy osy taqyryp jóninde tolǵap kórdi. Tolyǵyraq myna siltemeden oqı alasyz.
