Prezıdent Túrki memleketteri uıymyna múshe elderdiń Іshki ister mınıstrlerimen kezdesti
ASTANA. KAZINFORM – Qasym-Jomart Toqaev TMU-ǵa múshe memleketterdiń ishki ister mınıstrleri keńesi qarsańynda túrki elderi quqyq qorǵaý vedomstvolary basshylarymen kezdesý ótkizdi, dep jazdy Aqorda.
Jıynǵa Ázerbaıjan Respýblıkasy Іshki ister mınıstri Vılaıat Eıvazov, Qyrǵyz Respýblıkasy Іshki ister mınıstri Ýlan Nııazbekov, Túrkııa Respýblıkasy Іshki ister mınıstri Mýstafa Chıftchı, Ózbekstan Respýblıkasy Іshki ister mınıstri Azız Tashpýlatov, Qazaqstan Respýblıkasy Іshki ister mınıstri Erjan Sádenov qatysty.
Prezıdent túrki elderiniń yntymaqtastyǵy jyldan jylǵa kúsheıip kele jatqanyn aıtty. Sebebi bizdiń tarıhymyz – tamyrlas, tilimiz ben dástúrimiz – uqsas, múddemiz – ortaq.
– Bizdiń dostyǵymyzdy bekemdeı túsýge Túrki memleketteri uıymy zor úles qosýda. Qazaqstan bul bedeldi qurylymmen jan-jaqty yqpaldastyqty nyǵaıtýǵa basa mán berip otyr. Uıymǵa múshe elder túrli saladaǵy, sonyń ishinde kúshtik qurylymdar arasyndaǵy ózara baılanysyn kúsheıtip keledi. Osy turǵydan alǵanda, Іshki ister mınıstrleriniń kezdesýi aıryqsha mańyzdy ekeni sózsiz, – dedi Memleket basshysy.
Qasym-Jomart Toqaev qazir álemde aýqymdy ózgerister bolyp jatqanyna, dúnıe júzinde syn-qaterler kóbeıgenine nazar aýdardy.
– Jahandyq ahýal turaqsyz, qubylmaly sıpatqa ıe boldy. Soǵan qaramastan, kúlli álem elderi úshin jańa múmkindikterge jol ashylýda. Zaman talabyna saı órkenıetti elder qatarynda bolamyz desek, shapshań ári shıraq qımyldaý qajet. Osy maqsatpen Qazaqstanda túbegeıli reformalar júzege asyryldy. Naýryz aıynda elimizde jalpyulttyq referendým ótti, Konstıtýtsııa qabyldandy. Konstıtýtsııada azamattardyń quqyqtary men bostandyqtaryn saqtaý, Zań men tártipti qamtamasyz etý memleketimizdiń myzǵymas qaǵıdatynyń biri retinde aıqyndaldy. Konstıtýtsııaǵa sáıkes, elimizde jańa saıası laýazym – Vıtse-Prezıdent taǵaıyndaldy. Úkimettiń jańa quramy jumysqa kiristi, – dedi Memleket basshysy.
Prezıdent memlekettik basqarý men qaýipsizdikti saqtaý qurylymyndaǵy reformalarǵa toqtaldy.
– Atap aıtqanda, jańa memlekettik organ – Qaýipsizdik Keńesiniń Apparaty quryldy. Bul mekeme jahandyq jáne memlekettik aýqymdaǵy syn-qaterlerge jan-jaqty taldaý júrgizedi, ulttyq qaýipsizdik salasyndaǵy jumysty úılestiredi. Sonymen qatar kóp uzamaı joǵary konsýltatıvtik organ – Qazaqstan Halyq Keńesi jasaqtalady. Osylaısha, elimizdegi bılik tarmaqtary tutastaı jańarýda. Aýqymdy ózgerister barlyq salany, sonyń ishinde quqyq qorǵaý salasyn da qamtıdy, – dedi Qasym-Jomart Toqaev.
Kezdesý sońynda Prezıdent týystas memleketterdiń basshylaryna ystyq yqylasyn joldap, túbi bir túrki elderi árdaıym dostyq qarym-qatynasta bolýǵa tıis ekenin atap ótti.
Sondaı-aq is-sharada Túrki memleketteri uıymynyń Bas hatshysy Kýbanychbek Omýralıev sóz sóıledi.
Aıta keteıik, Prezıdent «Samuryq-Qazynanyń» 2027-2029 jyldarǵa arnalǵan 21 trln teńgelik josparymen tanysty.
