Prezıdent «Túrki memleketteri uıymy +» formatyn qoldanýdyń mańyzy zor ekenine mán berdi
ASTANA. KAZINFORM — Qasym-Jomart Toqaev Túrki memleketteri uıymynyń 13-sammıtinde sóz sóılep, yntymaqtastyqty nyǵaıtý jolynda «Túrki memleketteri uıymy +» formatyn qoldanýdyń mańyzy zor ekenine mán berdi.
– Uıymymyzdyń bedelin arttyrý úshin Reseıdiń nıetine oń pikirimizdi bildirip, bul eldi osy formatqa qosylýǵa nemese Uıymǵa baqylaýshy retinde qatysýǵa shaqyrsaq, durys ári ádiletti sheshim bolar edi. Óıtkeni Reseı iri memleket retinde kóne zamannan beri túrki álemimen tyǵyz baılanysta bolǵan. Bul elde tarıhı mekenin tapqan túrki halyqtary kóp. Qazirgi tańda Reseı «Altaı óńiri – Túrki órkenıetiniń altyn besigi» degen tujyrymdamany dáripteýde. Qazaqstan bul tujyrymdamany qoldaıdy. Orys tilinde túrki tilderinen tamyr tartatyn sózder de az emes. Jalpy, Reseı túrki elderiniń, ıaǵnı bizdiń Uıymnyń bir bóligi bolsa, bárimizge paıdasyn tıgizer edi, – dedi Memleket basshysy.
Memleket basshysy Túrki memleketteri uıymy túrki áleminiń tutastyǵyn nyǵaıtyp kele jatqan biregeı qurylym ekenine nazar aýdardy.
