Prezıdent týraly Konstıtýtsııalyq zań jobasy memlekettik bıliktiń jańa konstıtýtsııalyq arhıtektýrasyn dáıekti túrde iske asyrady
ASTANA. KAZINFORM – Búgi Parlament palatalarynyń birlesken otyrysynda Ádilet mınıstri Erlan Sársembaev «Qazaqstan Respýblıkasynyń Prezıdenti týraly» Konstıtýtsııalyq zań jobasyn tanystyrdy.
- «Qazaqstan Respýblıkasynyń Prezıdenti týraly» Konstıtýtsııalyq zań jobasy 2026 jylǵy 15 naýryzda qabyldanǵan Qazaqstan Respýblıkasynyń Konstıtýtsııasyn iske asyrý maqsatynda ázirlendi. Qazaqstan Respýblıkasy azamattarynyń tikeleı erik bildirýi negizinde qabyldanǵan jańa Konstıtýtsııa – adam, qoǵam jáne memleket arasyndaǵy ózara is-qımyldyń sapaly jańa modelin qalyptastyrady. Bul baǵyttaǵy negizgi ról joǵary memlekettik bılik – prezıdent ınstıtýtyna júktelgen. Qazaqstan Respýblıkasynyń Prezıdenti – halyq pen memlekettik bılik birliginiń, Konstıtýtsııanyń myzǵymastyǵynyń, adam men azamattyń quqyqtary men bostandyqtarynyń nyshany ári kepili, - dedi mınıstr.
Onyń aıtýynsha, Konstıtýtsııanyń «Prezıdent» ınstıtýtyna arnalǵan úshinshi bólimi «Kúshti Prezıdent – yqpaldy Parlament – esep beretin Úkimet» saıası formýlasyn dáıekti ári júıeli túrde damytady.
- Konstıtýtsııada Memleket basshysynyń róli – memlekettik bıliktiń barlyq tarmaqtarynyń kelisimdi ári kedergisiz jumys isteýin, sondaı-aq bılik organdarynyń Qazaqstan Respýblıkasynyń birtutas halqy aldyndaǵy jaýapkershiligin qamtamasyz etetin joǵary laýazymdy tulǵa retinde bekitilgen. Osy rette «Qazaqstan Respýblıkasynyń Prezıdenti týraly» Konstıtýtsııalyq zań jobasy memlekettik bıliktiń jańa konstıtýtsııalyq arhıtektýrasyn dáıekti túrde iske asyrady, - dedi ol.
Osyǵan deıin Parlament palatalarynyń birlesken otyrysy ótip jatqany týraly jazdyq.
