Prezıdent týystarynyń memlekettik qyzmetti atqarýǵa haqysy joq degen bap ózgerissiz qalady

ASTANA. KAZINFORM - Búgin Konstıtýtsııalyq reformalar jónindegi komıssııanyń ekinshi otyrysynda Ádilet mınıstri Erlan Sársembaev redaktsııalyq ózgerister jaıynda aıtyp berdi.

Mınıstrdiń aıtýynsha, jergilikti memlekettik basqarý men ózin-ózi basqarý máselelerin retteıtin Konstıtýtsııanyń VIII bólimine jáne basqa da bólimderindegi birqatar baptaryna bir palataly zań shyǵarý organynyń, ıaǵnı Quryltaıdyń engizilýine baılanysty, sondaı-aq «Respýblıka» degen ataýdyń ornyna «Qazaqstan Respýblıkasy» dep naqtylaý maqsatynda redaktsııalyq ózgerister engiziledi. 

- Konstıtýtsııanyń 43-baby ózgerissiz qalady, - dedi Erlan Sársembaev.

Budan buryn habarlanǵandaı, Astanada Konstıtýtsııalyq komıssııanyń ekinshi otyrysy bastaldy. Іs-shara konstıtýtsııalyq reformaǵa baılanysty túsken usynystardy talqylaýǵa arnaldy. 

QR Konstıtýtsııalyq Sotynyń tóraıymy Elvıra Ázimova komıssııaǵa eki myńnan astam usynys túskenin, olardyń barlyǵy birtutas jınaqtalǵan kestege toptastyrylǵanyn atap ótti.