Prezıdent: Tsıfrlandyrý men JI engizý elimizdi jan-jaqty jańǵyrtýdyń negizgi faktorlarynyń biri

Prezıdenttiń pikirinshe, qazirgideı qubylmaly, dúrbeleńge toly zamanda básekege qabiletti el bolyp, kósh sońynda qalmaı, órkenıetti elge saı ósip-órkendeı berý qajet.

– Elimizde osy baǵytta naqty jumys istelip jatyr. Jasandy ıntellekt jáne tsıfrlyq damý mınıstrligi quryldy. Jańa tehnologııalardy engizý úshin zańnamalyq negiz jasalyp, Tsıfrlyq kodeks qabyldandy. «Jasandy ıntellekt týraly» Zań kúshine endi. Taıaý arada Qazaqstannyń tsıfrlyq damý baǵdaryn aıqyndaıtyn Digital Qazaqstan strategııasy bekitiledi. Bárińizge belgili, bıyl elimizde – «Tsıfrlandyrý jáne jasandy ıntellekt jyly». Sondyqtan aldymyzda áli de kóp jumys bar. Shıraq qımyldap, tutas qoǵam bolyp tabandy eńbek etýimiz kerek, – dedi Memleket basshysy.

Prezıdent tsıfrlyq tehnologııalar men jasandy ıntellektiniń qarqyndy damýy tásilderdi únemi jańartyp otyrýdy talap etetinin atap ótti.

– Esepteýish ınfraqurylymyn ilgeriletý mańyzdy baǵyt bolyp qala beredi. Sýperkompıýter klasteriniń iske qosylýy elimizdiń tehnologııalyq derbestigin nyǵaıtýdaǵy aıtýly ýaqıǵa boldy. Kelesi maqsat – elimizde Derekterdi óńdeý ortalyǵy alqabyn qurý. Atalǵan aýqymdy jobany iske asyrý jańa ınvestıtsııa tartýǵa jáne óńirlik tsıfrlyq hab retindegi pozıtsııamyzdy kúsheıtýge múmkindik beredi. Jappaı tsıfrlandyrý jáne jasandy ıntellektini engizý elimizdi jan-jaqty jańǵyrtýdyń negizgi faktorlarynyń biri sanalady. Bul memlekettik basqarý júıesinen bastap kreatıvti ındýstrııaǵa deıingi salalardy qamtıdy. Jazda Astanada «Bolashaq oıyndary» ótedi. Dástúrli erejeler men kıbersportty ushtastyratyn jarysqa álemniń 50 elinen myńǵa jýyq sportshy qatysady. Jańa sport túri ozyq tehnologııalardy kúndelikti turmysqa jedel beıimdeýge, eń bastysy, jastar arasynda sportty nasıhattaýǵa jol ashady, – dedi Qasym-Jomart Toqaev.

Aıta keteıik, Prezıdentke otandyq alǵashqy krıptovalıýtamen tóleý úrdisi kórsetildi.