Prezıdent TRK men ÁZERTADJ agenttigi seriktestik baılanys ornatty
Memleket basshylary Qasym-Jomart Toqaev pen Ilham Alıevtiń kezdesýi aıasynda memorandýmǵa QR Prezıdenti Teleradıokesheniniń bas dırektory Raýshan Qajybaeva men Ázerbaıjan memlekettik aqparat agenttiginiń tóraǵasy Výgar Alıev qol qoıdy.
Qazaqstan men Ázerbaıjannyń medıaresýrstary medıakontent almasý, birlesken, ulttyq jáne halyqaralyq deńgeıde ózara ilgeriletý boıynsha seriktestik qarym-qatynas ornatady.
«Mádenı-gýmanıtarlyq baılanys memleketaralyq qatynastyń mańyzdy baǵyty. Medıa shyǵarmashylyq baılanysty jolǵa qoıýǵa, jasampaz kontent jasaý úshin ortaq jobalardy júzege asyrýǵa, óńirdegi medıa salany damytýǵa úlken septigin tıgize alady», - dep atap ótti Prezıdent TRK basshysy R.Qajybaeva.
ÁZERTADJ jetekshisi Výgar Alıevtiń sózinshe, Qazaqstan men Ázerbaıjannyń aldyńǵy qatarly eki medıasynyń seriktestigin damytý eki eldiń mass-medıa ókilderiniń áleýetin nyǵaıtýǵa, ekonomıkalyq, gýmanıtarlyq jáne mádenıet salasynda tıimdi aqparatpen qamtamasyz etýge septigin tıgizedi.
Búgin qol qoıylǵan memorandým Prezıdent TRK-niń halyqaralyq kelisimder pýlyn tolyqtyrdy. Olardyń qatarynda «Saudi Press Agency», «Trend», «Yonhap», «TPS», «ÝzA» jáne basqa da aldyńǵy qatarly sheteldik medıakompanııalar bar.
«Qazaqstan Respýblıkasy Prezıdentiniń Teleradıokesheni» KEAQ Qazaqstannyń iri medıa-kompanııalarynyń biri, onyń quramyna «Jibek Joly» telearnasynyń ulttyq jáne halyqaralyq nusqasy, Qazaqstandaǵy eń kóne «QazAqparat» Halyqaralyq aqparat agenttigi men Derekti kıno ortalyǵy kiredi.
ÁZERTADJ (tolyq ataýy – Ázerbaıjan memlekettik aqparat agenttigi) – Ázerbaıjan Respýblıkasynyń aldyńǵy qatarly aqparat agenttigi, jergilikti jáne sheteldik BAQ úshin memlekettik aqparatty taratatyn jalǵyz resmı derekkóz. Resmı habarlamalarmen qatar, ázerbaıjan, aǵylshyn, orys, frantsýz, nemis, arab, qytaı jáne ıspan tilderinde qoǵamdyq-saıası jáne ekonomıka taqyryptaryna qatysty senimdi ári jedel aqparat taratady.
