Qasym-Jomart Toqaev Donald Tramptyń hatyna jaýap joldady
ASTANA. KAZINFORM — Qasym-Jomart Toqaev Donald Tramptyń Qazaqstannan ımporttalatyn taýarlarǵa baj salyǵyn salý týraly hatyna jaýap joldady. Bul týraly Aqorda málim etti.
— Memleket basshysy Qazaqstan Amerıka Qurama Shtattarynyń burynnan kele jatqan senimdi saýda ári ınvestıtsııalyq seriktesi retinde ádil, túsinikti jáne ózara tıimdi saýda baılanystaryn damytýǵa beıildiligin atap ótti. Qazaqstan Prezıdenti saýda máseleleri boıynsha ratsıonaldy sheshim ázirleý maqsatynda elimizdiń konstrýktıvti dıalogty jalǵastyrýǵa daıyn ekenin jetkizdi. Qasym-Jomart Toqaev saýda problemasyna qatysty ortaq mámilege qol jetkizýge bolatynyna senim bildirdi, — delingen habarlamada.
Eske sala keteıik, AQSh prezıdenti resmı Astanaǵa Qazaqstan taýarlaryna 25 paıyzdyq baj salyǵyn engizgeni týraly hat joldaǵan bolatyn.
Saýda jáne ıntegratsııa mınıstrligi AQSh-tyń Qazaqstan taýaryna jańa tarıfine qatysty málimdeme jasady.
Aýyl sharýashylyǵy mınıstri Aıdarbek Saparov Úkimet otyrysynan keıin ótken baspasóz máslıhatynda AQSh belgilegen 25 paıyz eksport bajy Qazaqstan fermerlerine qalaı áser etetinin aıtty.