Prezıdent Torǵaı óńiriniń damýyna tyń serpin beretin aýqymdy joba týraly aıtty
BÝRABAI. KAZINFORM – Arqalyqtaǵy áýejaıdy qalpyna keltirip, jańa aerovokzal salǵan jón. Bul týraly Býrabaıda ótip jatqan Ulttyq quryltaıdyń IV otyrysynda Memleket basshysy Qasym-Jomart Toqaev málim etti.

- Osy tusta taǵy bir mańyzdy ınfraqurylymdyq joba qolǵa alynatyny týraly jarııalaǵym keledi. Men Úkimetke Astanadan Arqalyq, Torǵaı jáne Yrǵyz arqyly Transkaspıı halyqaralyq kólik dálizine týra shyǵatyn avtokólik jolynyń qurylysyn bastaýdy tapsyrdym. Jańa kúre jol ortalyq jáne batys aımaqtardyń arasyn 560 shaqyrymǵa qysqartady. Bul – tutas Torǵaı óńiriniń damýyna tyń serpin beretin aýqymdy joba. Budan bólek Arqalyqtaǵy áýejaıdy qalpyna keltirip, jańa aerovokzal salǵan jón, - dedi Qasym-Jomart Toqaev.
Prezıdentiń aıtýynsha, bul joba ishki kólik qatynastaryn edáýir jaqsartady. Sondaı-aq ortalyq aımaqtaǵy aýyl sharýashylyǵy jerlerin ıgerýge jáne mal sharýashylyǵyn damytýǵa tyń serpin beredi.
- Elimizde mashına jasaý, metallýrgııa, munaı-hımııa, agroónerkásip jáne kólik-logıstıka salalarynda mundaı jobalar az emes»,- dedi Memleket basshysy.
Budan buryn habarlanǵandaı, Prezıdent qoǵamda qyzý talqylanyp jatqan salyq reformasyna qatysty pikirin aıtty.