Prezıdent Toqaev Slovakııa basshysyn Konstıtýtsııa kúnimen quttyqtady

ASTANA. KAZINFORM — Memleket basshysy Slovakııa Prezıdentin Konstıtýtsııa kúnimen quttyqtady, dep habarlaıdy Aqordanyń baspasóz qyzmeti.

Qasym-Jomart Toqaev Slovakııanyń Konstıtýtsııa kúnine oraı Peter Pellegrınıge quttyqtaý jedelhatyn joldady.

— Prezıdent jedelhatta Slovakııanyń demokratııalyq ınstıtýttardy nyǵaıtý jáne áleýmettik-ekonomıkalyq órleý isindegi jetistikterine toqtaldy. Sonymen qatar eki el arasyndaǵy dostyq pen ózara qurmetke negizdelgen qatynastardyń deńgeıi joǵary ekenin atap ótip, onyń odan ári qarqyndy damı beretinine senim bildirdi. Qasym-Jomart Toqaev Peter Pellegrınıdiń jaýapty memlekettik qyzmetine tabys, al Slovakııa halqyna baq-bereke tiledi, — delingen Aqorda taratqan aqparatta.

Budan buryn Memleket basshysy Ózbekstan Prezıdentine quttyqtaý jedelhatyn joldaǵanyn habarlaǵan edik.