Prezıdent Toqaev pen Pan Gı Mýn turaqty damý máselelerin talqylady
ASTANA. KAZINFORM – Memleket basshysy Jahandyq jasyl damý ınstıtýtynyń tóraǵasy Pan Gı Mýnmen kezdesti, dep habarlaıdy Aqordanyń baspasóz qyzmeti.
Astana halyqaralyq forýmy alańynda Prezıdent Qasym-Jomart Toqaev Jahandyq jasyl damý ınstıtýtynyń tóraǵasy, BUU-nyń segizinshi Bas hatshysy Pan Gı Mýnmen kezdesý ótkizdi.
Memleket basshysy Instıtýtqa elimizdiń kómirtegi beıtaraptyǵy strategııasyn ázirleýge kórsetken saraptamalyq qoldaýy men Aral teńiziniń qurǵaǵan tabanyn ekologııalyq turǵydan qalpyna keltirý baǵdarlamasyna qatysqany úshin alǵys aıtty.
Pan Gı Mýn Qazaqstannyń turaqty damý maqsattaryna jumsaǵan kúsh-jigerin qoldaıtynyn, jahandaǵy ekologııalyq bastamalardy iske asyrý úshin yntymaqtastyqty keńeıtýdiń mańyzdy ekenin atap ótti.
Osyǵan deıin habarlanǵandaı, Qazaqstan men Aýǵanstan saýda-ekonomıkalyq yntymaqtastyqty nyǵaıtady.