Prezıdent Toqaev BUU konferentsııasy ótetin «Avaza» sport keshenine bardy
ASTANA. KAZINFORM — Memleket basshysy Teńizge shyǵar joly joq damýshy elderge arnalǵan Birikken Ulttar Uıymynyń úshinshi konferentsııasy ótetin «Avaza» sport keshenine bardy, dep habarlaıdy Aqordanyń baspasóz qyzmeti.
Qasym-Jomart Toqaevty Túrikmenstan Prezıdenti Serdar Berdimuhamedov pen BUU Bas hatshysy Antonıý Gýterrısh qarsy aldy.
Keıinnen delegatsııa basshylary birge sýretke tústi.
Eske salsaq, keshe Prezıdent Qasym-Jomart Toqaev Teńizge shyǵar joly joq damýshy elderge arnalǵan Birikken Ulttar Uıymynyń úshinshi konferentsııasyna qatysý úshin Túrikmenstanǵa bardy.
Áýejaıda Qasym-Jomart Toqaev pen Gýrbangýly Berdimuhamedov az-kem áńgimelesti.
Prezıdent Teńizge shyǵar joly joq damýshy elderge arnalǵan Birikken Ulttar Uıymynyń úshinshi konferentsııasynyń delegatsııa basshylaryn resmı qarsy alý rásimine qatysý úshin «Avaza» kongress-ortalyǵyna barǵany habarlandy.
Budan buryn Prezıdent Qasym-Jomart Toqaev Ortalyq Azııa memleketteri basshylarynyń beıresmı kezdesýine qatysqanyn jazǵanbyz.