13:22, 16 Qyrkúıek 2025 | GMT +5
Prezıdent Toqaev Aqmola oblysyndaǵy agrarlyq kórmeni aralady
ASTANA. KAZINFORM — Qasym-Jomart Toqaev Aqmola oblysynda shyǵarylatyn aýyl sharýashylyǵy ónimderiniń kórmesin aralap kórdi, dep habarlaıdy Aqordanyń baspasóz qyzmeti.
Munda jartylaı fabrıkattar, konserviler, et, sút jáne nan ónimderi qoıylǵan.
Aıta keteıik, Memleket basshysy Aqmola oblysyna jumys saparymen bardy.
Prezıdentke bıyl óńirdegi egis alqabynyń kólemi 300 myń gektarǵa ulǵaıyp, 5,5 mıllıon gektarǵa jetkeni baıandaldy.
Toqaev Aqmola oblysyndaǵy aýyl sharýashylyǵy kásiporyndarynyń jetekshilerimen salanyń jaı-kúıi, sharýalardyń jetistikteri, sondaı-aq qordalanǵan máseleleri jóninde áńgimelesti.
Elimizde aýyl sharýashylyǵy eńbekkerleriniń ekinshi forýmy ótetini habarlandy.