Prezıdent TMD-ǵa múshe memleketterdiń qaýipsizdik organdary men arnaýly qyzmetteriniń basshylaryn qabyldady
ASTANA. KAZINFORM – Qasym-Jomart Toqaev TMD elderi qaýipsizdik organdary men arnaýly qyzmetteri basshylary keńesiniń 55-shi otyrysyna qatysýshylarmen kezdesti. Bul týraly Aqordanyń baspasóz qyzmeti habarlady.
Memleket basshysy bul alańnyń qaýipsizdik salasyndaǵy kúsh-jigerdi úılestirý tetigi retinde tanylǵanyn, sondaı-aq qazirgideı kúrdeli kezeńde Keńestiń róli burynǵydan da artyp kele jatqanyn atap ótti.
Prezıdent shuǵyl jáne saraptamalyq aqparatpen der kezinde almasý óńirlik qaýipsizdikke tónetin qaýipter men syn-qaterlerge qarsy turý qabiletin arttyra túsýge jáne elderimizdiń ulttyq múddelerin qorǵaý úshin úılestirilgen tásilderdi daıyndaýǵa yqpal etetinin aıtty.
Memleket basshysy bul kezdesýdiń qorytyndysy halyqaralyq qaýipsizdikti qamtamasyz etý salasyndaǵy yntymaqtastyqty nyǵaıtýǵa septigin tıgizip, Dostastyq memleketteriniń arnaýly qyzmetteri arasyndaǵy ózara yqpaldastyqty odan ári damytýǵa ońtaıly jaǵdaı jasaıtynyna senim bildirdi.
Jıynǵa Ázerbaıjan, Armenııa, Belarýs, Qazaqstan, Qyrǵyzstan, Reseı, Tájikstan, Ózbekstan elderiniń, sondaı-aq TMD terrorızmge qarsy ortalyǵy men Atqarýshy komıteti delegatsııalarynyń basshylary qatysty.
