Prezıdent TMD-ǵa múshe memleketter basshylarynyń beıresmı kezdesýine qatysty

Qasym-Jomart Toqaev TMD-ǵa múshe memleketter basshylarynyń beıresmı kezdesýine qatysty, dep habarlaıdy Kazinform.

TMD-ǵa múshe memleketter basshylarynyń beıresmı kezdesýine Qazaqstan Prezıdenti Qasym-Jomart Toqaevpen qatar, Reseı Prezıdenti Vladımır Pýtın, Ázerbaıjan Prezıdenti Ilham Alıev, Armenııa Premer-mınıstri Nıkol Pashınıan, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ózbekstan Prezıdenti Shavkat Mırzıeev qatysty.

"Jıyn barysynda TMD elderiniń kóshbasshylary Uıym qyzmetiniń basym baǵyttaryn, ózara tıimdi yntymaqtastyqty nyǵaıtý jáne odan ári damytý josparyn talqylady. Sondaı-aq TMD aıasyndaǵy yqpaldastyqtyń ózekti máseleleri jóninde pikir almasty", - dep jazdy Aqordanyń áleýmettik jelidegi resmı paraqshasy.