Prezıdent TMD-ǵa múshe memleketter basshylarynyń beıresmı kezdesýine qatysty
SANKT-PETERBÝRG. KAZINFORM – Memleket basshysy Qasym-Jomart Toqaev TMD-ǵa múshe memleketter basshylarynyń beıresmı kezdesýine bardy. Bul týraly Aqordanyń baspasóz qyzmeti habaralady.
Táýelsiz memleketter dostastyǵyna múshe elder basshylarynyń kezdesýine Qazaqstan Prezıdenti Qasym-Jomart Toqaevpen birge Reseı Prezıdenti Vladımır Pýtın, Armenııa Premer-mınıstri Nıkol Pashınıan, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ózbekstan Prezıdenti Shavkat Mırzıeev qatysty.
TMD basshylary ózara yntymaqtastyqtyń negizgi damý baǵdary men qadamdaryn talqylady.
Sondaı-aq Uıym aıasyndaǵy yqpaldastyqtyń ózekti máseleleri jóninde pikir almasty.
Eske sala keteıik, buǵan deıin Qasym-Jomart Toqaev pen TMD basshylary Ermıtajdy aralaǵanyn jazǵan edik.