Prezıdent tikushaǵy apatqa ushyrap, 3 áskerı qyzmetshi mert boldy
ASTANA. QazAqparat - Ekvador Áskerı áýe kúshteri tikushaǵynyń apatqa ushyraýy saldarynan keminde 3 áskerı qyzmetshi qaza taýyp, taǵy tórteýi jaraqat aldy. Bul jaıynda shetelidk BAQ habarlaýda.
El Prezıdenti Rafael Korreanyń áýe flotılııasynyń quramyna kiretin tikushaq Gýaıakıl men Kıto qalalary aralyǵynda ushyp bara jatqan jerinen apatqa ushyraǵan.
Áskerı bılik aqparattaryna qaraǵanda, qaıǵyly oqıǵa oryn alǵan jerde arnaıy komıssııa jumys isteýde, olar apattyń sebepterin anyqtaýmen aınalysýda.
Osy oqıǵadan keıin prezıdent R.Korrea aldaǵy jeksenbi kúni ótetin mýnıtsıpaldyq saılaý qarsańyndaǵy «Asqaq ári táýelsiz Otan alıansy» partııasynyń saılaýaldy naýqanyna baılanysty is-sharalarǵa qatysýyn birshama qysqartty.
