Prezıdent testiniń jeńimpazdary «Astana Arena» stadıonyndaǵy kontsertke qatysady
ASTANA. 22 qarasha. QazAqparat - Prezıdent testiniń jeńimpazdary men júldegerleri 1 jeltoqsanda Tuńǵysh Prezıdent Kúnin merekeleý kezinde «Astana Arena» stadıonynda ótetin úlken kontsertke qatysady. Іs-sharaǵa «Art-Dala», «Rıngo», taǵy basqa da qazaqstandyq jas oryndaýshylar qatysady dep kútilýde.
Bul týraly Astana ákimdiginiń saıty habarlady.
Ulttyń densaýlyǵyn nyǵaıtý - eń basty ıgilikti mindet. Densaýlyq saqtaý salasyn damytýǵa memleket orasan zor qarjy bólýde. Búgin salaýatty ómir saltyn ustaný óte mańyzdy, eń birinshi, jaman ádetterden qutylý qajet.
Eske salaıyq, test Qazaqstan Respýblıkasy Tuńǵysh Prezıdenti kúnin merekeleýge arnalǵan is-sharalar aıasynda ótkizildi. 6-sy men 30 qazan aralyǵynda 5, 9 jáne 11 synyp oqýshylary «Prezıdenttik test - oqýshylardyń dene tárbıesi daıyndyǵynyń kórsetkishi» uranymen testi jarysynan ótti. Іs-sharany uıymdastyrýshylar - «Shyńǵys» balalar jáne jasóspirimder ortalyǵy men Astana qalasynyń Bilim basqarmasy.
Kúsh-qýaty jaǵynan daıyndyqtaryn oqýshylar 9 dene jattyǵýy boıynsha kórsetti. Aıta ketý kerek, jastar úshin test daıyndyǵyna eki - Prezıdenttik deńgeı jáne ulttyq daıyndyq deńgeıi engizildi.
