Prezıdent terrorızmge qarsy bólimshelerdi halyqaralyq jarysta úzdik atanýymen quttyqtady
ASTANA. KAZINFORM - Prezıdent Dýbaıda ótken terrorızmge qarsy bólimsheler arasyndaǵy UAE SWAT Challenge-2026 halyqaralyq jarysynda úzdik nátıjege qol jetkizgen qazaqstandyq komandalardy quttyqtady.
Bul týraly óziniń Telegram paraqshasynda QR Prezıdentiniń keńesshisi - Baspasóz hatshysy Aıbek Smadııar jazdy.
Kazakhstan C komandasy bedeldi týrnırdiń absolıýtti jeńimpazy atansa, Kazakhstan A komandasy jalpy esepte ekinshi orynǵa ıe boldy.
Qasym-Jomart Toqaev Memlekettik kúzet qyzmeti, Іshki ister mınıstrligi, Ulttyq qaýipsizdik komıteti qyzmetkerlerinen jasaqtalǵan quramanyń kásibı, fızıkalyq, jaýyngerlik daıarlyǵy jáne otanshyl rýhy joǵary deńgeıde ekenin, sondaı-aq sarbazdardyń jeńiske degen erik-jigerin erekshe atap ótti.
Memleket basshysy 48 elden 109 komanda qatysqan jarysta laıyqty óner kórsetken arnaıy jasaq jaýyngerlerine tıisti qurmet kórsetiletinin aıtty.
Aıta keteıik, osyǵan deıin qazaqstandyq arnaıy jasaqtyń halyqaralyq týrnırde top jarǵany týraly jazdyq.
