Prezıdent temirjoldaǵy ózekti máselelerdi sheshý joldaryn qamtıtyn qujat ázirleýdi tapsyrdy
ASTANA. KAZINFORM – Qazaqstandy Eýrazııanyń tolyqqandy kólik-logıstıkalyq jáne tranzıttik habyna aınaldyrý – aldymyzda turǵan strategııalyq mindet. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty.
«Elimizdiń kólik-logıstıkalyq áleýetin arttyrý úshin belsendi jumys isteý qajet. Qazaqstandy Eýrazııanyń tolyqqandy kólik-logıstıkalyq jáne tranzıttik habyna aınaldyrý – aldymyzda turǵan strategııalyq mindet. Osy mindetti iske asyrý úshin Kólik mınıstrligi quryldy. Sondyqtan, mınıstrlik osy saladaǵy ózekti máseleler boıynsha shuǵyl jáne tıimdi sheshimder qabyldaýy kerek. Naqty nátıje kútemin», - dedi Prezıdent.
Memleket basshysynyń atap ótýinshe, bıyl birinshi jartyjyldyqta temirjol salasyndaǵy ózekti máselelerdi sheshý joldaryn qamtıtyn baǵdarlamalyq qujatty qabyldaý qajettigin basa aıtty.
«Másele az emes. Atap aıtqanda, vagondardy jańartý jumysyn tezdetý kerek. Konteınerlerdiń tapshylyǵyn joıý qajet. Magıstraldy jelilerdi keńeıtýge qatysty barlyq jobalardy júzege asyrý qajet. ıAǵnı, sóz 2028 jylǵa qaraı 1,3 myń shaqyrym jol salýǵa qatysty bolyp otyr. Jalpy, temirjol salasyn qarqyndy túrde tsıfrlandyrý kerek. Bul qadam onyń tıimdiligi men ónimdiligin edáýir arttyrýǵa, bıýdjet qarajatyn únemdeýge múmkindik beredi», - dedi Qasym-Jomart Toqaev.
