Prezıdent Temirtaýdaǵy jańartylǵan tramvaı júıesimen tanysty
ASTANA. KAZINFORM — Qasym-Jomart Toqaev Temirtaýdaǵy qalpyna keltirilgen tramvaı qozǵalysy júıesimen tanysty. Bul týraly Aqordanyń baspasóz qyzmeti habarlady.
Memleket basshysy tramvaımen Respýblıka dańǵylynan «Injener» aıaldamasyna deıin júrip ótip, atqarylǵan istiń sapasyn jáne jańartylǵan kólik ınfraqurylymynyń paıdalanýǵa tolyǵymen ázir ekenin kórdi.
Qarmet kompanııasy tramvaıdy qala halqynyń ıgiligine eki jyl buryn bergen bolatyn. Sodan beri atalǵan qoǵamdyq kólik qatynasy 1 mıllıonnan asa jolaýshyny tasymaldaǵan.
Qalada tramvaıǵa arnalǵan 30 shaqyrym shoıyn jol qalpyna keltirilip, aýystyryldy. Jańadan zamanaýı 8 vagon satyp alyndy. Bul tramvaıdyń kestege sáıkes turaqty júrýine múmkindik berdi.
Relsti kólikte jolaýshylarǵa yńǵaıly bolýy úshin elektrondy tólem júıesi ornatylǵan, al Qarmet kásipornynyń jumyskerleri men ardagerleri tegin júredi.
Aıta ketelik Toqaev jumys saparymen Qaraǵandy oblysyna barǵan edi.
