Prezıdent Teleradıokesheniniń ujymy Astanadaǵy Nura-Esil arnasynyń aınalasyn tazartty
ASTANA. KAZINFORM – Búgin Qazaqstan Prezıdenti Teleradıokesheniniń ujymy qala aýmaǵyn kóriktendirip, qoqystan tazalaý úshin jalpyqalalyq senbilikke belsendi atsalysty.
Redaktorlar, jýrnalıster, operatorlar men tehnıkalyq mamandar Uly Dala dańǵylynan bastap, Nura-Esil arnasynyń jaǵalaýyndaǵy 2 gektar jerdi tazalady. Tazalyq jumystaryna 150 adam qatysty. Qyzmetkerler aımaqty qoqystan, shirigen japyraqtar men butalardan tazartyp, qalanyń tazalyǵyna degen qamqorlyqtyń jáne ekologııalyq jaýapkershiliktiń úlgisin kórsetti.
Іs-shara «Taza Qazaqstan. Astana – tazalyq pen tártiptiń úlgisi» atty aýqymdy ekologııalyq aktsııa men Búkilálemdik tazalyq kúni (World Cleanup Day) aıasynda ótti.
Búgin aýqymdy senbilik astananyń barlyq aýmaǵyn qamtydy. Oǵan qala turǵyndary, eńbek ujymdary, memlekettik organdardyń, shaǵyn jáne orta bıznes, úkimettik emes uıymdardyń ókilderi, mádenıet jáne sport qaıratkerleri, sondaı-aq kommýnaldyq qyzmet pen ózge de uıym, mekeme ujymdary qatysty.
Іs-shara barysynda kósheler, jaıaý júrginshiler joldary, aýlalar, qoǵamdyq keńestikter tazartylyp, saýda oryndary mańyndaǵy qoqys úıindileri joıyldy.
Prezıdent TRK-nyń ujymy senbilikterge turaqty qatysyp keledi. Tamyz aıynda Astananyń jelilik baǵyn tártipke keltirse, sáýirde Nura-Esil arnasynyń jaǵasyn tazalady.
