Prezıdent Teleradıokesheniniń halyqaralyq seriktesi Toqaevtyń Pákistanǵa sapary týraly fılm jarııalady

ASTANA. KAZINFORM – QR Prezıdenti Teleradıokesheniniń seriktesi Associated Press of Pakistan Qazaqstan Prezıdentiniń Pákistanǵa jasaǵan memlekettik saparyna jóninde derekti fılm jarııalady.

Prezıdenttiń Teleradıokesheniniń seriktesi – Associated Press of Pakistan aǵylshyn tilinde «Strategic Partnership: Kazakhstan&Pakistan» («Strategııalyq seriktestik: Qazaqstan jáne Pákistan») atty derekti joba ázirlep, uıymnyń áleýmettik jelilerdegi resmı paraqshalarynda jarııalady.

Jobany TRK LAB tsıfrlyq komandasy ázirlep, otandyq medıa úshin jańa formatta júzege asyryldy.

Fılmniń ereksheligi – onyń formatynda. Alǵash ret Memleket basshysynyń memlekettik saparynyń negizgi qorytyndylary vertıkaldy derekti formatta, ıaǵnı júrgizýshisiz jáne kadr syrtyndaǵy mátinsiz usynyldy. Fılmde resmı is-sharalardyń áserli, jandy beıneleri, sırek kezdesetin sahna syrtyndaǵy sátter, dınamıkalyq mýzykalyq súıemeldeý men tıtrler qoldanylǵan.

Zamanaýı vızýaldy kórinis pen halyqaralyq format jobanyń tek qazaqstandyq qana emes, sheteldik aýdıtorııanyń da nazaryn aýdarýǵa múmkindik berip, Qazaqstan men Pákistan arasyndaǵy strategııalyq áriptestiktiń damýyn aıqyndaı tústi.

Derekti fılmniń tolyq nusqasyn osy jerden kórýge bolady.

Eske sala ketsek, Qazaqstan Prezıdenti Qasym-Jomart Toqaev Pákistanǵa memlekettik saparmen bardy.

Memleket basshysynyń bul sapary ekijaqty qarym-qatynastardy «jobalyq rejımge» kóshirýge baǵyttalǵan qadam retinde baǵalandy. Atap aıtqanda, naqty baǵyttar, kelisimsharttar, naryqtarǵa qoljetimdilik, logıstıka jáne tranzıt máseleleri qamtyldy.