Prezıdent Teleradıokesheni Soltústik Qazaqstan týraly derekti fılm túsirdi

NUR-SULTAN. QazAqparat – «Qýatty óńirler – Qýatty Qazaqstan» arnaıy jobasy aıasynda QR Prezıdentiniń teleradıokesheni «Qazaqstannyń basty sarqylmas qory» atty jańa derekti fılmdi tanystyrdy, dep habarlaıdy «QazAqparat» HAA Prezıdenttiń TRK Telegram-arnasyna silteme jasap.

QR Prezıdentiniń «Qýatty óńirler – Qýatty Qazaqstan» arnaıy jobasy aıasynda túsirilgen jańa derekti fılm Soltústik Qazaqstan oblysynyń áleýmettik-ekonomıkalyq salany damytýdaǵy praktıkalyq jetistikteri, óńirdiń el ekonomıkasyn nyǵaıtýǵa, halyqtyń ál-aýqatyn arttyrýǵa qosqan úlesi týraly baıandaıdy. Fılm kórermenderdi aımaqtyń tarıhymen, tabıǵı, mádenı jáne bilim berý áleýetimen tanystyrady.

Óz jerin jaqsy kóretin jáne onyń ıgiligi úshin jumys isteıtin jergilikti turǵyndarmen suhbat qyzyqty. Elimizdiń basty astyq egetin óńirleriniń qataryna kiretin Qazaqstannyń Soltústigi nesimen tanymal? Oblys Qazaqstannyń basqa aýmaqtarynan áleýmettik-ekonomıkalyq salada qandaı jetistiktermen erekshelenedi? Qazaqstannyń soltústiginiń el ekonomıkasyn damytýǵa jáne memlekettik damý baǵdarlamalaryn iske asyrýǵa qosqan úlesi qandaı? Munyń bári-QR Prezıdentiniń YouTube-kanalyndaǵy jańa derekti fılmde.