Prezıdent Teleradıokesheni delegatsııasy «Qytaı – Ortalyq Azııa» forýmyna qatysty

ASTANA. QazAqparat – Beıjińde 23 mamyrda «Sınhýa» aqparat agenttiginiń bastamasymen ótken forýmǵa Ortalyq Azııa – Qazaqstan, Qyrǵyzstan, Tájikstan, Túrikmenstan jáne Ózbekstan memleketteriniń BAQ ókilderi keldi, dep habarlaıdy QazAqparat.

Óńir elderiniń aqparat agenttikteriniń yntymaqtastyǵyn damytý máselelerin talqylaý barysynda QR Prezıdenti Teleradıokesheni bas dırektorynyń orynbasary Tilegen Ábishev sóz sóıledi.

T. Ábishev kópjaqty formattaǵy yntymaqtastyq úshin jańa ósý núktelerin izdeýdiń mańyzdylyǵyn atap ótip, «birlesken óndiriste ınvestıtsııalyq jáne bıznes-baǵyttaǵy jobalarǵa, halyqtarymyzdyń baı mádenıeti men tarıhyna basymdyq berý keregin» atap ótti.

«Sınhýa» AA prezıdenti Fý Hýanyń aıtýynsha, aqparat agenttikter óńirdegi barlyq elderdiń salaýatty jáne úılesimdi damýyna yqpal etetin ózara tıimdi yntymaqtastyq beınesin qalyptastyrýda sheshýshi ról atqarady. Aqparat pen tájirıbe almasý, ózara oqytý jáne qoldaý kópjyldyq dostyq pen iskerlik seriktestikti nyǵaıtady.