Prezıdent Teleradıokesheni ujymy Botanıkalyq baqta 50 túp qaraǵaı kóshetin otyrǵyzdy
ASTANA. KAZINFORM – QR Prezıdentiniń Teleradıokesheni ujymy «Taza Qazaqstan» ekologııalyq aktsııasy aıasynda Botanıkalyq baqta 50 túp qaraǵaı kóshetin otyrǵyzdy.
Osylaısha, irgeli medıa ujymnyń 150 qyzmetkeri bıologııalyq ártúrlilikti saqtaýda jáne ósimdikter toptamalaryn ósirýde mańyzdy ról atqaratyn Botanıkalyq baqty abattandyrýǵa belsendi atsalysty.
Aıta ketý kerek, baqtyń jalpy aýdany 89,1 gektardy quraıdy. Onyń 46,3 gektary – erekshe qorǵalatyn tabıǵı aýmaq, al 42,8 gektary – saıabaq aımaǵy.
Memleket basshysynyń tapsyrmasymen respýblıka boıynsha «Taza Qazaqstan» ekologııalyq aktsııasy jalǵasyp jatqany belgili. Naýqan bes aptaǵa sozylady. Ər aptanyń ózindik ataýy men naqty maqsaty bar.
Alǵashqy apta «Taza ólke» dep ataldy. El turǵyndary, qoǵam belsendileri, uıymdar men kəsiporyndardyń qyzmetkerleri irgeles aýmaqtar men ózderine bekitilgen aýlalardy qoqystan tazartty. «Kıeli meken» aptalyǵynda tarıhı-mədenı eskertkishter, saıabaqtar aýmaǵy abattandyryldy.
Al, «Jasyl aımaq» aptalyǵynda aǵash kóshetterin otyrǵyzý, taldardy ákteý jumystary jalǵasýda. Bul ıgi iske belsendi atsalysqan QR Prezıdentiniń Teleradıokesheni ujymy ekologııalyq aktsııalarǵa beı-jaı qaramaıtynyn ańǵartty.
«QR Prezıdenti Teleradıokesheniniń ujymy kez kelgen aktsııaǵa belsendi qatysyp, ıgi isterden qalys qalǵan emes. «Atadan mal qalǵansha, tal qalsyn» demekshi, «Taza Qazaqstan» ekologııalyq aktsııasy sheńberinde ujym qyzmetkerleri qaraǵaı kóshetin otyrǵyzdy. Bul baǵyttaǵy jumystar aldaǵy ýaqytta da jalǵasyn tabady. El Prezıdenti Qasym-Jomart Toqaevtyń tapsyrmasymen jalǵasyp jatqan ekologııalyq aktsııanyń mańyzy zor», - dedi Qazaqstan Respýblıkasy Prezıdenti Teleradıokesheniniń dırektorynyń orynbasary Tilegen Ábishev.
Іrgeli ujymnyń qyzmetkerleri bas qalany jasyldandyrý isine belsendi atsalysýǵa daıyn ekenin jetkizdi.
Prezıdenttiń teleradıokesheni – Qazaqstannyń eń iri medıa-kompanııalardyń biri. Onyń quramyna: Jibek Joly, Silk Way, Silk Way Cinema telearnalary, Kazinform halyqaralyq aqparattyq agenttigi jáne derekti kıno ortalyǵy kiredi.
Esterińizge salsaq, buǵan deıin Qazaqstan Respýblıkasy Prezıdentiniń Teleradıokesheni ujymy «Taza Qazaqstan» ekologııalyq aktsııasy aıasynda «Ábý-Dabı Plaza» men Botanıkalyq baq arasyndaǵy 14 gektarǵa sozylǵan saıabaqtyń aýmaǵyn tazalaǵan bolatyn.
