Prezıdent Teleradıokesheni ıordanııalyq BAQ-pen baılanysyn damytady
ASTANA. KAZINFORM – Búgin Amman qalasynda Qazaqstan Respýblıkasynyń Prezıdenti Qasym-Jomart Toqaevtyń Iordan Hashımıt Koroldigine resmı sapary aıasynda Prezıdent Teleradıokesheni, Iordan teleradıo korporatsııasy (Jordan Radio and Television Corporation) jáne «Ál-Mamlıaka» táýelsiz medıa stansasy (The Independent Media Station Al-Mamlaka TV) arasynda yntymaqtastyq týraly memorandýmǵa qol qoıyldy.
BAQ salasyndaǵy Qazaqstan men Iordanııa qarym-qatynasyn nyǵaıtýǵa baǵyttalǵan qujatty Prezıdent TRK dırektory Raýshan Qajybaeva men Iordan Hashımıt Koroldigi mınıstrler kabınetiniń músheleri ıArýb ál-Kýda jáne Mýhannad Shehade rásimdedi. Memorandýmǵa qol qoıý rásimi Iordanııa koroli saraıyndaǵy resmı saltanatty shara barysynda ótti.
Esterińizge sala ketsek, 2023 jyly Prezıdent TRK quramyna kiretin «Kazınform» halyqaralyq aqparat agenttigi men Iordan aqparat agenttigi (Petra) arasynda yntymaqtastyq týraly kelisimge qol qoıylǵan bolatyn. Qol qoıylǵan jańa qujat dostas eki eldiń buqaralyq aqparat quraldarynyń kásibı baılanysyn odan ary damtýǵa baǵyttalǵan.
QR Prezıdenti TRK – Qazaqstandaǵy iri medıa-kompanııalardyń biri, onyń quramyna Jibek Joly, Silk Way, Silk Way Cinema telearnalary, «Kazinform» halyqaralyq aqparattyq agenttigi, Derekti fılmder ortalyǵy kiredi.
Iordan teleradıo korporatsııasy – 1985 jyly Jordan TV men Jordan Radio birigýi arqyly negizi qalanǵan memlekettik teleradıo korporatsııasy. Korporatsııa 10-nan astam televızııalyq jáne radıo arnany biriktirip, arab jáne aǵylshyn tilderine habar taratady.
«Ál-Mamlıaka» táýelsiz medıa stansasy – 2015 jyly iske qosylǵan táýelsiz spýtnıktik telearna jáne Iordanııa men Taıaý Shyǵys óńirindegi oqıǵalardan arab tilinde jedel aqparat taratýǵa mashyqtanǵan.
Iordan aqparat agenttigi (Petra) – 1969 jyly korol jarlyǵymen qurylǵan aqparat agenttigi. Kún saıyn arab tilinde 100-den astam, aǵylshyn tilinde 35 materıal jarııalaı otyryp, Iordanııadaǵy, Taıaý Shyǵys pen álemdegi oqıǵalardy habarlaıdy.
Aıta keteıik, Prezıdent Iordanııaǵa resmı sapary aıasynda 10 qujatqa qol qoıdy.