Prezıdent teleradıokesheni «Abylaı han» fılminiń túsirilimine kiristi
ASTANA. KAZINFORM — Qysqametrajdy kórkem fılm 1771 — 1781 jyldary Qazaq handyǵyn basqarǵan kórnekti memleket qaıratkeri, erjúrek qolbasshy Abylaı han jaıynda baıandaıdy.
Fılmdi QR Prezıdenti teleradıokesheniniń Derekti fılmder ortalyǵy túsirip jatyr. Túsirilim Qonaev qalasyndaǵy «Kóshpendiler» alańynda ótýde.
«Abylaı han» kórkem fılmi Býrabaıdaǵy Abylaı han alańynda ornalasqan mýltımedıalyq-ınteraktıvti keshende kórsetiledi.
Keshenge kelýshiler qazaq halqynyń birtýar perzenti — Abylaı han atanǵan bala Ábilmansurdyń ómir tarıhyn bilýge zor múmkindik alady.
Basty róldi qazaqtyń belgili akteri Jandos Aıbasov somdaıdy.
Fılmde sondaı-aq Bolat Momynjanov, Baıkenje Belbaev, Saǵyzbaı Qarabalın, Ashat Úrpekov, Aıdos Ábdiqadyrov, Dınara Áteeva sııaqty akterler boı kórsetedi.
Fılmniń rejısseri — Ǵalymjan Baıazıtov, stsenarıı avtorlary — Radık Temirǵalıev pen Maıra Jumabekova.