Prezıdent «Taza Qazaqstan» respýblıkalyq ekologııalyq aktsııasyna qatysty
ASTANA. KAZINFORM – Memleket basshysy Qasym-Jomart Toqaev «Taza Qazaqstan» ekologııalyq aktsııasyna qatysty jáne jas ekobelsendilermen birge Prezıdent saıabaǵy aýmaǵynda aǵash ekti.
Naýqan aıasynda Ekologııa jáne tabıǵı resýrstar mınıstri Álibek Qýantyrov pen Astana qalasynyń ákimi Jeńis Qasymbek atqarylǵan jumystar jóninde baıandama jasady.
– Búgin bárimiz birge osy saıabaqta tal egip, ortaq parasatty iske atsalystyq. Bul shyn máninde qoǵamymyz ben jaly elimiz úshin asa qajetti jáne paıdaly jumys. Barshańyzǵa memlekettik saıasatty únemi qoldaǵandaryńyz úshin shynaıy rızashylyǵymdy bildiremin, – dedi Memleket basshysy.
Prezıdent osyndaı ıgi iske óz úlesin qosyp júrgen jastardy naǵyz otanshyl azamat dep sanaıtynyn jetkizdi. Sebebi Otanǵa, týǵan jerge degen súıispenshilik óz úıińnen, óz aýylyń men qalańnan bastalady.
– Tabıǵatty aıalaý, qorshaǵan ortaǵa qamqor kózben qaraý – ultymyzdyń bolmysynda bar asyl qasıet. Bul balalarymyzdyń bizge qaldyrǵan ósıeti ári amanaty. Al jańa Konstıtýtsııamyz boıynsha osy kózqaras pen is-sharalar azamattyq mindet bolyp sanalady. Sondyqtan biz jappaı bir el bolyp bastaǵan «Taza Qazaqstan» jalpyulttyq jobasynyń qoǵamdyq jáne tarıhı máni aıryqsha. Biz ekologııalyq mádenıeti joǵary el bolýymyz kerek. Taǵy da atap óteıik, bul – memleketimizdiń Konstıtýtsııasynda aıqyndalǵan asa mańyzdy mindet, – dedi Qasym-Jomart Toqaev.
Aıta keteıik, 19 qyrkúıekte Dúnıejúzilik tazalyq kúni (World Cleanup Day) atalyp ótedi. Bul kúni elimizdiń barlyq óńirinde «Taza Qazaqstan» jobasy aıasynda aýqymdy ekologııalyq aktsııalar ótedi.
Eske sala ketsek, «Taza Qazaqstan» jalpyulttyq ekologııalyq aktsııasy 2024 jyly bastaldy. Sol jyly Prezıdent Qasym-Jomart Toqaev qoǵamda tazalyq mádenıetin qalyptastyrý bastamasyn kótergen edi.
Bıyl elordanyń 1,4 mıllıonnan astam turǵyny ekoaktsııalarǵa qatysqan, 1 myń tonnadan astam qoqys shyǵarylǵan.
