Prezıdent «Taza Qazaqstan» ekofestıvaline arnalǵan kórmeni tamashalady
ASTANA. KAZINFORM - Qasym-Jomart Toqaev kórme ekspozıtsııalaryn aralap kórdi, dep habarlaıdy Aqordanyń baspasóz qyzmeti.
Munda qoqys óńdeý, óndiristik kásiporyndar jobalary, tabıǵat tazalyǵy boıynsha startaptar, mektep oqýshylarynyń ekologııalyq bastamalary, sonymen qatar balalardyń qorshaǵan orta taqyrybyna arnalǵan shyǵarmashylyq jumystary qoıylǵan.
Á. Marǵulan atyndaǵy №40 mektep-lıtseıdiń 5 synyp oqýshylary Nurbaqyt Ermekuly men Aızat Erjanqyzy Prezıdentke Esil ózenin tazalap, saqtaýǵa qatysty jobalaryn tanystyrdy.
Atyraýlyq oqýshy Arýjan Ǵalymjan Prezıdentke sýdy únemdeýge úndeıtin sýretterin kórsetti.
«Taza Qazaqstan» bastamasy boıynsha uıymdastyrylǵan shyǵarmashylyq baıqaýǵa elimizdiń túkpir-túkpirinen myńnan astam oqýshy qatysqan bolatyn.
Memleket basshysyna baıqaý jeńimpazynyń sýreti salynǵan jeıde men shoper syıǵa tartyldy. Qasym-Jomart Toqaev balalardyń jumystaryna joǵary baǵa berdi.
Osyǵan deıin Prezıdent Qasym-Jomart Toqaev «Taza Qazaqstan» ekologııalyq festıvali aıasynda Astana qalasyndaǵy «Jastar» saıabaǵynda ekobelsendilermen birge aǵash ekkenin jazdyq.