Prezıdent Táýelsizdiktiń 40 jyldyǵyna deıingi mindetti atady

BÝRABAI. KAZINFORM – Biz ózimizdiń basqalardan basym túsetin myqty tustarymyzdy jaqsy bilýge tıispiz. Bul týraly Býrabaıda ótip jatqan Ulttyq quryltaıdyń IV otyrysynda Memleket basshysy Qasym-Jomart Toqaev málim etti.

«Táýelsizdigimizdiń 40 jyldyǵy jaqyndap keledi. Osy mańyzdy beleske qandaı jetistikpen jeterimizdi, oǵan deıin qandaı tarıhı mindetterdi oryndaýǵa tıis ekenimizdi naqty bilý mańyzdy. Biz shyndyqqa týra qaraýymyz kerek. Elimiz bárinen oza shaýyp, barlyq salada jáne barlyq baǵytta birinshi qatarda bola almaıtynyn túsinýimiz qajet. Sondyqtan biz ózimizdiń basqalardan basym túsetin myqty tustarymyzdy jaqsy bilýge tıispiz, - dedi Qasym Jomart Toqaev. 

Prezıdenttiń paıymynsha, Qazaqstannyń keminde tórt salada orasan zor múmkindikteri bar. Osy salalarda elimizdi qamtamasyz etip qana qoımaı, aımaqtyq, tipti, jahandyq aýqymda yqpalymyzdy júrgize alamyz. Tsıfrlandyrý isi men jasandy ıntellekt, kólik tasymaly, energetıka, agroónerkásip kesheni jáne adam kapıtaly negiz bolady. 

Budan buryn habarlanǵandaı, Prezıdent Qazaqstanǵa úsh atom elektr stansasyn salý kerek ekenin aıtty.