Prezıdent: Táýelsizdigimizdi nyǵaıta túsý jolynda bar kúsh-jigerimdi salyp, eńbek ete beremin
QYZYLORDA. KAZINFORM — Halyqtyń qamy, ulttyń, memlekettiń múddesi — men úshin baǵa jetpes qundylyq. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev málim etti.
— Álemdegi ahýal tym shıelenisip turǵanyna qaramastan, biz elimizde kúrdeli ári túbegeıli ózgeristerdi júzege asyrdyq. 2022 jylǵy konstıtýtsııalyq reformaǵa, odan keıin Atom elektr stantsııasyn salýǵa qatysty referendým kezinde halqymyzdyń basym kópshiligi meni qoldady. Men árbir sheshimdi elge qajettigi turǵysynan muqııat saralaı otyryp qabyldaımyn. Azamattardyń ál-aýqatyn jaqsartýǵa baǵyttalǵan naqty jumyspen aınalysý men úshin bárinen mańyzdy. Halyqtyń qamy, ulttyń, memlekettiń múddesi — men úshin baǵa jetpes qundylyq. Aldaǵy ýaqytta da elimizdi damytyp, Táýelsizdigimizdi nyǵaıta túsý jolynda bar kúsh-jigerimdi salyp, eńbek ete beremin, — dedi Qasym-Jomart Toqaev.
Osy oraıda Prezıdent strategııalyq baǵdaryn únemi qoldap kele jatqan barsha halyqqa jáne Ulttyq quryltaıǵa kelgen elimizdiń laıyqty azamattaryna shyn júrekten rızashylyn bildirip, zor alǵysyn aıtty.
Buǵan deıin Prezıdent jalpyhalyqtyq referendým ótetin ýaqytqa qatysty túsinik berdi.